01 фев 16:38
Янгиликлар

Футбол

"Арсенал" АПЛда ғалаба қозонмаса, Артета ишдан бўшатилиши мумкин

"Арсенал" АПЛ жорий мавсумида чемпионликни қўлга кирита олмаса, бош мураббий Микель Артета билан хайрлашишга тайёр.

Лондон клуби раҳбарияти бундай ультиматумни асосли деб ҳисоблайди ва жамоанинг ҳозирги ҳолати ва унда мавжуд ресурсларни ҳисобга олган ҳолда чемпионатдаги ғалабадан бошқа ҳар қандай натижани қабул қилмайди.

"Арсенал" 24 ўйинда 53 очко жамғариб, АПЛ турнир жадвалида пешқадамлик қилмоқда. Шу билан бирга, "канонирлар" Англия чемпионатининг сўнгги тўртта турида фақат битта ғалабага эришди. Уларнинг 2-ўриндаги "Манчестер Сити"дан устунлиги 7 очкони ташкил этмоқда.