"Арсенал" Артета бўйича якуний қарор қабул қилди

BBC хабарига кўра, лондонликлар бош мураббий билан янги шартнома бўйича музокараларни бошлади.

"Канонирлар" Артетанинг профессионаллигини қадрлайд.и ва испаниялик мутахассиснинг ҳозиргидан кўпроқ маош олишига имкон берадиган янги шартномани қабул қилишига умид билдиради.

Музокаралар қийин кечади, аммо манбаларнинг таъкидлашича, клуб раҳбарияти испаниялик мураббийнинг янги шартномасини Жаҳон чемпионатидан олдин расман эълон қилишдан умидвор.

Артета Лондон клубини 2019 йилда Пеп Гвардиоланинг ёрдамчиси лавозимидан кетганидан сўнг қабул қилиб олганди.

Испаниялик мутахассис "тўпчилар" билан 341 ўйин ўтказиб, 211 та ғалаба, 58 та дуранг ва 72 та мағлубият қайд этди. Унинг "канонирлар" билан амалдаги битими 2027 йилнинг ёзигача амал қилади.