21 дек 11:49
Янгиликлар

Футбол

"Арсенал" январда "Барселона"дан кетиши мумкин бўлган Ольмога қизиқмоқда

"Арсенал" Ла Лигада рўйхатдан ўтиш билан боғлиқ муаммо сабаб январда Каталония клубидан кетиши кутилаётган "Барселона"нинг 26 ёшли ярим ҳимоячиси Дани Ольмога қизиқиш билдирмоқда.

Лондон клубини бундай даражадаги ўйинчини текинга олиш имконияти ўзига жалб қилмоқда. Аммо "канонирлар"га "Манчестер Сити" ва "Бавария" клублари рақобат ташкил қилиши мумкин. "Барселона" жорий мавсум сўнггига қадар Ольмони рўйхатдан ўтказишни узайтириш йўлларини изламоқда.

Эслатиб ўтамиз, испан ярим ҳимоячиси Каталония клубига ўтган ёзда "РБ Лейпциг"дан ўтганди. "Кўк-анорранглилар" Ольмони 2024 йилнинг сўнггига қадар рўйхатдан ўтказа олишди.