Артур Бетербиев Дмитрий Бивол билан эҳтимолий учинчи жанг ҳақида маълумот берди

— Турки Ал аш-Шейх билан гаплашишга улгурдингизми? Кейинги жанг муддатлари бўйича тахминлар борми?

— Ҳа, гаплашдик. Ҳамма билади, мени битта савол қизиқтиради — трилогия масаласи. Турки Ал аш-Шайх эса трилогия шу йилнинг ўзида бўлишига менга ишонтирди. У бокснинг катта мухлиси ва доим бу қарама-қаршиликка қизиқиб келган.

— Дмитрий Бивол трилогия бўлишини тасдиқладими?

— Менга шахсан — йўқ, биз гаплашганимиз йўқ. Лекин Турки Ал аш-Шайх оптимистик кайфиятда. Ростини айтсам, энди ишониш ҳам қийин. Аммо унга ваъда берилган экан, демак, менимча, барибир трилогия бўлади. Учрашув якунида Эдди Хирн (Биволнинг промоутери) билан ҳам қўл беришдик, бу ҳам мақсадлар жиддий эканини кўрсатади", — деди Бетербиев.

Эслатиб ўтамиз, биринчи жанг 2024 йил октябрда бўлиб ўтган ва унда Бетербиев ҳакамларнинг кўпчилик қарори билан ғалаба қозонган. 2025 йил февралда ўтган реванш эса Дмитрий Бивол фойдасига ҳал бўлган.