Аслан Карацев ракеткасини хайрия аукционига қўйди

Карацев ўз ракеткасини аукционга қўйиб, унинг сотувидан тушган барча маблағни хорватиялик Борна Коричнинг собиқ мураббийи, ичак саратонига қарши курашаётган Кристиан Шнайдернинг даволанишига беради.

Шунингдек, аукционда Даниил Медведев, Андрей Рублёв, Виктория Азаренко, Симона Халеп, Маттео Берреттини, Борна Корич, Мате Павич ва Никола Мектичлар ҳам иштирок этади.

«Ҳаммага салом. Мавсум якунида, ушбу байрам ойида мен сизга аукционда ўз имзоим қўйилган ракеткамни ютиб олиш имкониятини беришга қарор қилдим. Ҳар қандай аукционда бўлгани каби, энг юқори суммани таклиф қилган киши ғолиб ҳисобланади», - деб ёзади Карацев Instagram саҳифасида.