21 окт 10:13
Янгиликлар

Теннис

Дунёнинг 215-ракеткаси ўз ватанидаги турнирда 1/2 финалга чиқди

Япониянинг Токио шаҳрида теннис бўйича ATP турнири давом этмоқда.

Кутилмаганда дунёнинг 215-ракеткаси бўлиб турган Синтаро Мотидзуки мусобақа ярим финалчисига айланди. Япониялик теннисчи 1/4 финалда ATP рейтингида 41-поғонада бораётган австралиялик Алексей Попиринни уч сет натижасига кўра мағлубиятга учратди - 7/5, 2/6, 7/5.

Теннисчиларнинг ўзаро илк учрашуви 2 соату 24 дақиқа давом этган. Мотидзуки 4, Попирин эса 21 та эйс зарбани амалга оширган. Брейклар сони ҳар икки теннисчида 3 тадан бўлди. Энди Мотидзуки финал чиптаси учун россиялик Аслан Карацевга қарши кортга чиқади.