16 июл 08:32
Янгиликлар

Теннис

Астана “Фьючерс”. Қуръа ташланди, Сабина биринчи ракетка!

Бугун Қозоғистоннинг Астана шаҳрида теннис бўйича “Фьючерс” туркумига кирувчи нуфузли турнирнинг асосий тўр баҳсларига старт берилади.

Мукофот жамғармаси 80 000 АҚШ долларини ташкил қилувчи ушбу мусобақада мамлакатимизнинг етакчи теннисчилари - Сабина Шарипова, Нигина Абдураимова ва Оқгул Омонмуродова ҳам иштирок этади. Кеча турнирнинг асосий тўр баҳсларига қуръа ташлаш маросими ўтказилди.

Унга кўра, Сабина Шарипова турнирнинг биринчи сараланган теннисчиси сифатида қайд этилди. Ўзбекистоннинг биринчи рақамли теннисчиси илк даврада германиялик Вивиан Хайсенга қарши кортга чиқадиган бўлди.

Нигина Абдураимова олтинчи рақам остида ҳаракат қилади ва у биринчи босқичда сербиялик Бояна Йовановски-Петровичга қарши баҳс олиб боради. Оқгул Омонмуродова эса қозоғистонлик Гўзал Айнитдинова билан муносабатларига ойдинлик киритиб олади.