19 июл 12:29
Янгиликлар

Теннис

Астана “Фьючерс”. Шарипова иккинчи учрашувини ўтказди

Хабар берганимиздек, шу кунларда Қозоғистоннинг Астана шаҳрида теннис бўйича “Фьючерс” туркумига кирувчи нуфузли турнир давом этмоқда.

Мукофот жамғармаси 80 000 АҚШ долларини ташкил қилувчи ушбу мусобақада мамлакатимизнинг етакчи теннисчилари - Сабина Шарипова, Нигина Абдураимова ва Оқгул Омонмуродова ҳам иштирок этяпти.

Яккалик баҳсларининг иккинчи даврасида Нигина ва Оқгул рақибаларига имкониятни бой беришганди. Ҳозиргина якунига етган учрашувда турнирнинг биринчи ракеткаси сифатида ҳаракат қилаётган Сабина Шарипова чорак финал чиптаси учун кортга чиқди.

Унинг рақибаси туркиялик Берфу Ченгиз бўлди. Ўн саккиз ёшли Берфу дунё рейтингида 379-ўринни эгаллаб турибди. Сабина эса 144-поғонадан жой олганди. Учрашувда туркиялик дугонасига ҳеч қандай имконият қолдирмаган вакиламиз 6:1, 6:3 ҳисобида зафар қучиб, чорак финалга чиқди.