19 мар 07:55
Янгиликлар
Бокс/ММА, Бошқалар, Токио-2020
Астанада Қозоғистон ва Ўзбекистон МОҚ расмийлари учрашишди
Хабар берганимиздек, Астана шаҳрида Қозоғистон Миллий олимпия қўмитаси ташкил этилганига 25 йил тўлиши муносабати билан катта тадбир ўтказилган эди.
Мазкур маросимда шахсан Қозоғистон Республикаси Президенти Нурсултан Назарбаев ҳам иштирок этди.
Шунингдек, маросимда Осиё Олимпия Кенгаши президенти Шайх Аҳмад ал Фахад ал Сабоҳ, Қозоғистон Миллий олимпия қўмитаси президенти Тимур Кулибаев, Халқаро олимпия қўмитаси расмийлари, кўплаб мамлакатларнинг олимпия қўмиталари вакиллари қатнашишди.
Таклиф этилганлар орасида Ўзбекистон Миллий олимпия қўмитаси Бош котиби Ойбек Касимов ҳамда қўмита вице-президенти Умид Аҳмаджоновлар ҳам бор эди.
Тадбир доирасида Ойбек Касимов Қозоғистон МОҚ президенти Тимур Куллибаев билан учрашди. Суҳбат чоғида ҳар икки мамлакат олимпия қўмиталари ўртасидаги ҳамкорликни янги босқичга олиб чиқишга келишиб олинди.
Ҳавола :
Манба : olamsport.com
Фикрлар