ATP рейтинги. Дунёнинг биринчи ракеткаси яна ўзгарди, 56 поғона юқорилаган Фомин Султоновга деярли етиб олди

Эътиборлиси, дунё теннисчилари рейтингида яна пешқадам ўзгарди. Париж "Мастерс" турнири чемпиони Янник Синнер бор йўғи бир ҳафта карвонбошилик қилди. Янгиланган рейтингда испаниялик Карлос Алькарас яна 1-ўринга қайтди. Синнер эса иккинчи ўринга пастлади. Топ-10`таликда ҳам бир нечта ўзгариш кузатилди. Афина турнирида чемпион бўлган Новак Жокович 4-ўринга кўтарилиб олди. Америкалик Бен Шелтон ҳам бир поғона юқорилади. Тэйлор Фриц аксинча, 4-ўриндан 6-поғонага тушди. Британиялик Дек Дрэйпер Топ-10`га қайтди.  

Янгиланган рейтингдан ўрин олган 8 теннисчимиздан 7 нафари кўтарилишга муваффақ бўлди. Мамлакатимизнинг биринчи ракеткаси Ҳумоюн Султонов 2 поғонага юқорилади. Иккинчи ракеткамиз Сергей Фомин эса Хитойнинг Цяньдаоху шаҳрида ITF M25 тоифасига кирувчи турнирда чемпион бўлгани ҳисобига 56 поғонага кўтарилиб олди. Фомин ҳисобига 24 рейтинг очкоси қўшиб қўйди ва Султоновга деярли етиб олди. Келгуси ҳафта Ўзбекистоннинг биринчи ракеткаси ўзгариб қолса, бундан ажабланмаймиз. Учинчи ракеткамиз Максим Шин ўз ўрнида қолди. Биргина Амир Милушев 4 поғонага пастлади. Қолган теннисчиларимиз оз бўлса-да, ўз мавқеларини яхшилаб олишди. Батир Сапаев 7, Илья Игнатов 2, Абдулазиз Усмонжонов 2, Дамир Абдусамадов эса 1 поғонага кўтарилган. 

ATP рейтинги. 10 ноябрь кун ҳолатига кўра Топ-10:

1. (2) Карлос Алькарас (Испания) - 11 050 балл

2. (1) Янник Синнер (Италия) - 10 000

3. (3) Александр Зверев (Германия) - 4960

4. (5) Новак Жокович (Сербия) - 4830

5. (6) Бен Шелтон (АҚШ) - 3970

6. (4) Тэйлор Фриц (АҚШ) - 3935

7. (7) Алекс де Минаур (Австралия) - 3935

8. (8) Феликс Оже-Альяссим (Канада) - 3845

9. (9) Лоренцо Музетти (Италия) - 3840

10. (11) Жек Дрэйпер (Буюк Британия) - 2990...

Ўзбекистонлик теннисчиларнинг АТР рейтингидаги ўрни:

397 (399). Ҳумоюн Султонов — 119 (+1 очко) 

404 (460). Сергей Фомин — 118 (+24)

987 (987). Максим Шин — 16 

1337Т (1333Т). Амир Милушев — 5

1802Т (1809Т). Ботир Сапаев — 1   

1894Т (1896Т). Илья Игнатов — 1 

1894Т (1896Т). Абдулазиз Усмонжонов — 1

1981Т (1982Т). Дамир Абдусамадов — 1