ATP Якуний турнири. Муддатидан олдин 1/2 финалга чиққан Мектич ва Пейя курашни тўхтатди

Бу икки теннисчи Лондонда ўтказилаётган йилнинг Якуний ATP турнирининг жуфтлик мусобақасида иштирок этаётган эди. Улар гуруҳ босқичидаги икки ғалабадан сўнг муддатидан аввал ярим финал йўлланмасини ҳам қўлга киритишганди.

Афсуски, Пейянинг қўлидан олган жароҳати жуфтликнинг муваффақиятли иштирокига чек қўйди. Энди бу жуфтликни гуруҳ босқичининг учинчи турида финляндиялик Хенри Континен ҳамда австралиялик Жон Пирс ҳамкорлиги алмаштиради.