"Австралияликка узоқ танаффус шарт эмас". Маддалена Махачев билан жанг санаси ҳақида гапирди

Унинг айтишича, икки ой ичида Ислам Махачевга қарши камарни ҳимоя қилишга тайёр.

"Исламга чемпионлик жанги учун имконият беришга ҳеч ким қарши бўлмаса керак. Менимча, бу Шавкат учун бираз асабий ҳолат, лекин икки вазндаги чемпионлик концепцияси шундай — бу ҳолат дивизионни чалкаш ҳолга келтиради. Бундай ҳолат мунтазам тарзда бўлмаслиги керак. Аммо айнан Исламнинг ҳолатида бундан маъно бор.

Бу вазн тоифасида рақобат жуда юқори. Шавкат асосий даъвогарлиги аниқ, лекин у узоқ вақт фаол бўлмаса, бошқа даъвогарлар пайдо бўлаверади. Шон Брэди билан жангдан сўнг, агар Шавкат бўлмаганида, айнан у биринчи рақамли бўларди. Энди эса Иен Гарри чиқиб келди. Улар ўзаро жанг қилиши керак.

Биз дивизионни кучайтиришимиз керак. Умид қиламанки, шу жангдан саккиз ҳафта ўтгач, ярим ўрта вазнда янги чемпионлик жангни кўрамиз", – деди Маддалена.