Айни пайтда ўсмирлар Олимпия ўйинларига лицензия қўлга киритган спортчиларимиз сони қанча?

Хабар бериб ўтганимиздек, ушбу нуфузли мусобақада октябрь ойида бўлиб ўтадиган ўсмирлар Олимпия ўйинларига ҳам лицензиялар ўйналди. Тўрт кун давом этган беллашувлар якунига кўра тўрт нафар ўзбекистонлик спортчи делегациямиз ҳисобига навбатдаги йўлланмаларни қўшиб қўйишди.

Юнон-рум курашида Асилбек Нематов (-60кг), аёллар курашида Шоҳида Аҳмедова (-49кг) ва Светлана Оқназарова (-73кг), эркин курашчиларимиз ичида эса Умиджон Жалолов (-48кг) Аргентина йўлланмасига эга бўлишди.

Бугунги кунга келиб III ёзги ўсмирлар Олимпия ўйинлари учун терма жамоамиз ҳисобида қуйидаги спорт турларида лицензиялар мавжуд:

Спорт курашлари – 4та
Оғир атлетика – 3 та
Байдарка ва каноэда эшкак эшиш – 3 та
Академик эшкак эшиш – 2 та
Спорт гимнастикаси – 2 та
Спорт акробатикаси – 1 та
Бадиий гимнастика – 1 та
От спорти (конкур) – 1 та
Таэквондо – 1 та
Бокс – 1 та

Маълумот учун ушбу 19 та лицензия 21 нафар спортчи томонидан қўлга киритилган. (Академик эшкак эшиш ва спорт акробатикасида 2 кишилик жуфтликка биттадан лицензия берилган.) Эслатиб ўтамиз, III ёзги ўсмирлар Олимпия ўйинлари 6-18 октябрь кунлари Аргентинанинг Буэнос-Айрес шаҳрида бўлиб ўтади.