02 июн 05:17
Янгиликлар

Дзюдо

Аёллар терма жамоамизнинг бир гуруҳи Жаҳон чемпионатига жўнаб кетди + ФОТО

Хабарингиз бор, 6-13 июнь кунлари Венгрия пойтахти Будапешт шаҳрида дзюдо бўйича катталар ўртасидаги жаҳон чемпионати бўлиб ўтади.

Ушбу мусобақадан сўнг Олимпиада рейтинги ёпилади ва тўрт йилликнинг энг нуфузли спорт анжуманида иштирок этадиган барча дзюдочилар номи маълум бўлади.

Бугун тонг саҳарда жаҳон чемпионатида юртимиз шарафини тўлиқ таркибда ҳимоя қилувчи Ўзбекистон аёллар терма жамоасининг бир гуруҳи Тошкент - Истанбул - Будапешт йўналиши бўйлаб Венгрия пойтахтига жўнаб кетди.

Маълумот учун, 5 июнь куни жаҳон чемпионатига қуръа ташлаш маросими ўтказилади ва эртаси кунидан эса баҳсларга старт берилади. Жаҳон чемпионати ғолиблари қимматли 2000 рейтинг очкосига эга бўладилар.

Венгрияга йўл олган таркибимиз:

-48 кг: Гулнур Муратбаева

-52 кг: Диёра Келдиёрова

-63 кг: Фарангиз Хожиева

Мураббий - Неля Киямова

Шифокор - Стромм Нелли