29 дек 22:46
Янгиликлар

Бокс/ММА

Азамат Нуфтиллаев узоқ танаффусдан кейин яна октагонга қайтди, унинг жанги муддатидан олдин якунланди

Оғир вазнли ўзбекистонлик спортчи Азамат Нуфтиллаев Тошкентда давом этаётган ММА бўйича Octagon 68 мусобақасида чиқиш қилди.

30 ёшли ҳамюртимизга мусобақа доирасида 40 ёшли бразилиялик Фернандо Батиста рақиб бўлди.

Жанг 3 раунд этиб белгиланган эди. Бироқ беллашув иккинчи раундда "Дракор" Нуфтиллаевнинг ғалабаси билан якунланди. У қария рақибини техник нокаут орқали таслим этди.

Бугунги жанг орқали Азамат фаолиятидаги 18-жангида 16-ғалабасини қўлга киритди. Унинг ҳисобида биттадан мағлубият ва дуранг ҳам бор.

Батиста эса 20-жангида 9-мағлубиятини қабул қилди.