Азизбек Абдуғофуров Чудиновга қарши жанги учун жўнаб кетди + ФОТО

Профессионал боксчимиз иштирокидаги жанг 29 апрель куни Красногорск шаҳридаги Vegas City Hall аренада бўлиб ўтади. Шу куни Азизбек россиялик тажрибали боксчи, собиқ жаҳон чемпиони Фёдор Чудиновга қарши рингга кўтарилади. Промоутер Владимир Хрюнов томонидан ташкил этилаётган ушбу жанг 10 раунд этиб белгиланган.  

Маълумот учун, Азизбек Абдуғофуров шу кунгача проф рингда 14 та жанг ўтказиб, 13 тасида ғалаба қозонган. Бешта жангни муддатидан аввал ўз фойдасига ҳал қилган. Ягона мағлубиятини ўтган йилнинг 20 март куни Москвада қабул қилиб олганди. Ўшанда у россиялик Павел Силягинга 108-120, 109-119, 109-119 ҳисобларида ютқазиб қўйганди. Силягин WBC Silver камарининг янги соҳибига айланган эди. 

Боксчимизнинг 29 апрель кунидаги рақиби Фёдор Чудинов ҳисобида эса 25 ғалаба, 2 мағлубият ва 1 дуранг бор. Ўн еттита жангда рақибларини нокаутга учратган. Фёдор охирги жангини 2021 йилнинг 15 октябрь куни Ронни Миттагга қарши ўтказиб, муддатидан аввал зафар қучган.