16 мар 07:44
Янгиликлар

Бокс/ММА

Азизбек Абдуғофуров камарини ҳимоя қилиш учун Москвага жўнаб кетди + ФОТО

Тўрт кундан сўнг профессионал боксчимиз Азизбек Абдуғофуров (13-0-0)нинг узоқ танаффусдан кейинги навбатдаги жанги бўлиб ўтади.

Ҳамюртимиз 20 март куни Москвада мезбон боксчи Павел Силягинга қарши рингга кўтарилади. 27 ёшли Силягин проф рингда 6 та (4 та нокаут) жанг ўтказиб, уларнинг барчасида ғалаба қозонган.

Чарм қўлқоп устамиз бўлажак 12 раундлик жангда ўзига тегишли WBC Silver камарини ҳимоя қилади. Унинг жанги андеркард мақомида бўлади. Азизбек ўз жамоаси билан Россия Федерацияси пойтахтига жўнаб кетди.

Маълумот учун, Абдуғофуров сўнгги жангида россиялик Гасан Гасановни мағлубиятга учратганди. Силягин эса венесуэлалик Омар Гарсиядан устун келган. 20 март кунги оқшомининг марказий жангида россиялик жаҳон чемпиони Артур Бетербиев даъвогар Адам Диенисга қарши рингга кўтарилади.