08 окт 15:47
Янгиликлар

Бокс/ММА

Азизбек Темиров: "Жангдан олдин нимадир дейишга қўрқаман"

Ўзбекистонлик ММА жангчиси Азизбек Темиров Octagon 64 турниридаги ғалабасидан сўнг ўз фикрлари билан ўртоқлашди.

У 6 октябрь куни Олма-Отада бўлиб ўтган мусобақа доирасида тожикистонлик Шерзод Ибодуллоевни биринчи раунддаёқ нокаут орқали таслим этганди.

"Жангга бошқача кайфият билан чиққандим. Чунки рақибим анчадан буён мени жангга чорлаб, ҳар-хил гапларни айтиб юрган эди. Мен жангдан олдин нимадир дейишга қўрқаман, тўғриси. Натижадан кейин гапираман дегандим.

Ҳа, ҳақиқатан ҳам жуда кўп гап-сўзлар бўлганди. Лекин қанчалик менинг жаҳлимни чиқарган бўлса, бу менга шунчалик кўп мотивация берди. Ғалаба қозонишим керак, ютсам ҳам нокаут билан ютаман деб чиққандим", деди кичик Темиров.