11 апр 08:14
Янгиликлар

Гимнастика

Бадиий гимнастика бўйича Жаҳон кубогининг очилиш маросими бўлиб ўтди

Пойтахтимиз мезбонлигида ўтаётган бадиий гимнастика бўйича Жаҳон кубогининг тантанали очилиш маросими ташкил этилди.

Тадбирда Халқаро гимнастика федерацияси, Спорт вазирлиги, МОҚ, мамлакат гимнастика федерацияси расмийлари ва кўп сонли гимнастика ихлосмандлари иштирок этишди. Унда сўз олган расмийлар бу йилги беллашувлар юқори савияда ўтказилаётгани, юртимизда ушбу спорт ривожи хусусида фикр билдиришди.

Маросим якунига етгач, бугунги кун дастуридан ўрин олган саралаш беллашувларига навбат берилди.

Эслатиб ўтамиз, ушбу мусобақада 39 мамлакатдан ташриф буюрган 150 нафардан ортиқ спортчи ғолиблик учун баҳс олиб бормоқда.