Баҳодир Жалолов Санкт-Петербургга жўнаб кетди

Чарм қўлқоп устамиз икки ҳафта давомида Қирғизистоннинг Иссиқкўл шаҳрида ўқув-машғулот йиғинини ўтказди. Кеча ушбу йиғин якунланди ва бугун Баҳодир Санкт-Петербург шаҳрига йўл олди. 

Россиядаги йиғин ҳам икки ҳафтага мўлжалланган. Жалолов Иссиқкўлдаги машғулотларда жаҳон чемпионлари - Дмитрий Бивол ва Сергей Кузьмин билан биргаликда шуғулланди. 

Эслатиб ўтамиз, Жалолов 11 апрель куни Нью-Йорк шаҳрида проф боксдаги олтинчи жангини америкалик Брендан Барреттга қарши ўтказиб, NABF чемпионлик камарига эга чиққанди. Олти раундга мўлжалланган жангда боксчимиз биринчи раунднинг ўзидаёқ рақибини нокаутга учратган эди.