Баҳодир Жалолов ТОП-10 боксчиси билан жанг ҳақида гапирди

"Худо хоҳласа навбатдаги жангни июль ёки август ойига режалаштиряпмиз. Жанг Англияда бўлиши керак. Рақиб ҳам яқинда аниқ бўлади.

- Кубалик Фрэнк Санчесни жангга чорладингиз, у томондан қандайдир жавоб бўлдими? 

- Биз промоутер ва менежерларим билан доим яхши жангларни сўраб келганмиз. Сўнгги жангимда ҳам англиялик кучли боксчини жангга чорлагандик. ТОП-10 боксчиси эди. Аммо, у рози бўлди ва кейинчалик рад жавобини берди. Оғир вазнда рақиблар рози бўлиши жуда қийин. Рақиблар ҳам кутилмаганда ўзгариб кетаверади. Биз ТОП-10 дан рақиб сўраяпмиз. Чунки катта мақсадларимиз бор. Ўзбекистонга жаҳон чемпионлиги камарини олиб келиш учун бор кучимиз билан ҳаракат қиламиз", - деди Баҳодир Жалолов olamsport.com сайти журналисти Азиз Тўхтамуродов билан суҳбатда.