09 окт 11:35
Янгиликлар

Бокс/ММА

Баҳромжон Фозилов ҳам Ереванда рингга кўтарилади + ПОСТЕР

19 октябрь куни Арманистоннинг Ереван шаҳридаги "Prime Hall" аренада профессионал бокс кечаси бўлиб ўтади.

Оқшом доирасида ҳамюртимиз Мирзакамол Неъматовнинг камар ҳимояси учун рингга кўтарилиши ҳақида айтиб ўтгандик. Ушбу бокс кечасида яна бир чарм қўлқоп устамиз Баҳромжон Фозилов (9(8)-1-3) ҳам ўзининг навбатдаги жангини ўтказади.

Боксчимиз Жанубий Африка Республикаси вакили Нкулулеко Мҳлонгога қарши рингга чиқади. 40 ёшли Мҳлонго проф рингда 34 та жанг ўтказган бўлиб, 23 ғалабага эришган. Рақибларини 18 та жангда муддатидан аввал мағлуб этган. Ҳисобида 10 мағлубият (2 таси нокаут билан) ва 1 дуранг бор. Сўнгги жангини 29 апрель куни Жон Бопапега қарши ўтказиб, мағлуб бўлган эди.

Айни кунларда Мирзакамол Неъматов ва Баҳромжон Фозилов Россиянинг Екатеринбург шаҳрида бўлажак жангига тайёргарликни давом эттиришмоқда.