Баҳромжон Фозиловнинг навбатдаги рақиби ва жанг санаси маълум бўлди

Ҳамюртимиз 19 октябрь куни Россия Федерацияси, Перьм шаҳрида жойлашган "Universal Sports Palace Molot" аренасида ташкил этиладиган бокс оқшомида рингга чиқади. Ўша куни Баҳромжон Фозиловга россиялик 27 ёшли боксчи Павел Сосулин (7-0-0) рақиблик қилади.

Мусобақанинг марказий жангида эса енгил вазн тоифасида россиялик таниқли боксчи Альберт Батиргазиев (9-0-0) венесуэлалик Эндер Льюцес (20-0-0) билан жанг қилади.

Эслатиб ўтамиз, 26 ёшли Баҳромжон Фозилов сўнгги жангини 17 июнь куни бошқа бир рус - Вадим Туковга қарши ўтказиб, очколар ҳисобига кўра мағлуб бўлган эди.