Барча нигоҳларга Будапешт шаҳрига қаратилади

6-13 июнь кунлари Венгрия пойтахти Будапешт шаҳрида катталар ўртасидаги Жаҳон чемпионати бўлиб ўтади. Мусобақада сайёрамизнинг 5 қитъаси 129 давлатидан жами 692 (406 эркак, 286 аёл) нафар дзюдочи жаҳон чемпионати медаллари ҳамда Токио Олимпиадаси йўлидаги сўнгги рейтинг очколари учун татамига чиқади. 

Режа бўйича эртага, 5 июнь куни жаҳон чемпионатига қуръа ташлаш маросими ўтказилади. Мусобақа ғолиблари 2000, кумуш медаль эгалари 1400, бронза медали соҳиблари 1000 рейтинг очкосини қўлга киритадилар. Жаҳон чемпионатидан сўнг Олимпиада рейтинги ёпилади ва Токиога борадиган дзюдочилар номи расман аниқ бўлади.