"Барселона" "Челси"нинг бирйўла уч футболчисига қизиқмоқда

Маълум бўлишича, каталонияликлар Сесар Аспиликуэта, Маркос Алонсо ва Ромелу Лукакуга қизиқиш билдиришмоқда. 

Сешанба куни "Барса" директори Матеу Алемани ва президент маслаҳатчиси Йорди Кройфф Лондонга борган. 

Агар "Бавария"дан Роберт Левандовски трансфери амалга ошмаса Ромелу Лукаку харид қилинади. Асосий мақсад эса - Аспиликуэта. "Челси" футболчи билан шартномани узайтириш бандидан фойдаланди, аммо уни сотишга қарши эмас. Лондон клубидан ноаниқ вазият "Барса" фойдасига ишлаши мумкин. 

Алонсо эса АПЛдан кетиб, Испанияга қайтмоқчи. "Барселона" варианти унга қизиқ туюлмоқда.