21 июл 19:11
Янгиликлар

Футбол

"Барселона" футболчилари автомобилларини қайтарадиган бўлди

Испаниянинг "Барселона" клуби "Audi" компанияси билан ҳамкорликни тўхтатди.

Шу боисдан компания томонидан футболчиларга тарқатилган автомобиллар ўз жойига қайтариладиган бўлди.

2018 йилда томонлар шартнома имзолаганидан кейин клубнинг ҳар бир футболчисига компаниянинг исталган машинасини танлаш имконияти берилганди. Ўшанда Лео Месси 150 минг евролик "Audi RS 6 Avant", Серхио Бускетс энг қиммат машина 220 минг евролик "Audi R8 Coupé V10"ни танлаганди.

AS хабарига кўра, футболчиларга машиналарни қайтариш учун 3 ҳафта вақт берилган. Томонларнинг ҳамкорлиги 13 йил давом этди.