23 сен 19:50
Янгиликлар

Футбол

"Барселона" Рэшфорднинг ҳуқуқларини сотиб олишга тайёр

"Барселона" раҳбарияти ҳозирда Каталония клубида ижара асосида ўйнаётган англиялик ҳужумчи Маркус Рэшфордни сотиб олиш имкониятини кўриб чиқади.

"Daily Star" маълумотларига қараганда, "кўк-анорранглилар" 27 ёшли футболчини 30 миллион евро эвазига тўлиқ харид қилишга шай. "Манчестер Юнайтед" эса форвардни сотишдан камида 40 миллион евро ишлаб олмоқчи. Рэшфорднинг ўзи ҳам Каталония жамоасида ўйнашни давом эттириш истагида.

Эслатиб ўтамиз, Маркус Рэшфорд яқинда Чемпионлар Лигасида "Ньюкасл Юнайтед" устидан қозонилган ғалабада иккита гол урди. Каталонияликлар "ҳаккалар"ни 2:1 ҳисобида мағлуб этди. Форвард Ла Лигада 5 ўйинда майдонга тушиб, 1 та голли узатмани амалга оширди.