"Барселона" Швейцария ва конференциялар Лигасининг энг яхши тўпурари Кабралга қизиқмоқда

Каталония клуби раҳбарияти ҳужумчининг ўйини борасида бир нечта ҳисобот олди. Эҳтимолий харид "Барселона"да скаут сифатида ишлайдиган Деку томонидан маъқулланган.

Қайд этиш керакки, "Барса" Кабрални 8 миллион еврога харид қилиш мажбурияти билан мавсум сўнггига қадар ижарага олиши мумкин. Трансфер каталонияликларнинг янги сотувлари ёки ҳозирги ўйинчиларнинг маошлари камайиш эҳтимолида содир бўлиши мумкин.

23 ёшли бразилиялик Швейцария чемпионатида 13та ўйинда 13та гол урган ҳолда тўпурар бўлиб турибди. У шунингдек конференциялар Лигасида 10та ўйинда майдонга тушиб, 10та гол урди ва у ерда ҳам тўпурарлар жадвалини бошқармоқда.