Башар Ресан "Персеполис"га қайтадими?

"Ҳозир бор эътиборимни фақат клубимга қаратганман, чунки ҳали шартномам бор. Жамоамиз билан Ўзбекистон чемпионлиги учун курашяпмиз ва бунга жуда яқинмиз. Шунингдек, эртага Чемпионлар лигасида ҳам ўйинимиз бор. Биз фақат машғулотларга диққатимизни жамлаганмиз. 

Булар шунчаки хабарлар ва бундай гаплар турли давлатлардан чиқиши табиий ҳол, чунки биласиз, шартномам декабрь ойида якунига етади. Кўплаб клублардан таклифлар тушиши одатий ҳолат, лекин мен буларни бир четга суриб, бор диққатимни жамоамга ёрдам беришга қаратганман. Чунки биз бу мавсумда ҳам ўз ўрнимизни сақлаб қолишимиз керак, Ўзбекистонда энг яхши ўрин ва энг яхши ҳолатда бўлишга лойиқмиз – ахир биз "Пахтакор"миз! 

Жамоам ва дўстларим учун бор кучимни беришим керак. Булар эса шунчаки оддий янгиликлар – шартномаси якунланаётган ҳар қандай футболчи нафақат "Персеполис"дан, балки турли давлатлардан таклифлар олиши табиий. Бу мавзуда эса, иншааллоҳ, кейинроқ яна гаплашамиз", деди 29 ёшли футболчи.

Эслатиб ўтамиз, Башар Ресан жорий мавсум "Пахтакор" сафида барча турнирларда 29 ўйинда майдонга тушиб, 4 та гол урди ва 12 та голли узатмани амалга оширди.