02 июл 19:00
Янгиликлар

Футбол

"Бавария" ўз футболчиси учун 50 млн ва бонуслар хоҳламоқда, МЮ эса ҳали расмий таклиф билан чиқмади

Мюнхеннинг "Бавария" клуби Маттейс де Лигт учун қанча пул олмоқчи эканлиги маълум.

"Sky Sport" журналисти Флориан Плеттенбергнинг маълумотига кўра, мюнхенликлар марказий ҳимоячининг трансферидан камида 50 миллион евро ва бонуслар ишлаб олишни мўлжалламоқда.

Футболчини ўз сафига қўшиб олиш устида "Манчестер Юнайтед" жамоаси иш олиб бормоқда. Лекин, инглизлар ҳали расмий таклиф билан чиқишмади. Ўйинчининг агенти Рафаэль Пимента шартнома шартларини келишиб олиш учун манкунианликлар билан алоқада бўлиб турибди.

Де Лигт ортда қолган мавсум Бундеслигада 22та ўйин ўтказди.