Бектемир Мелиқўзиев эртанги жанги ва Росадо билан реванш ҳақида гапирди

Бектемир Мелиқўзиев Дэвид Сегарра билан жанг олдидан матбуот анжуманида иштирок этди.

«Ўзимни жуда ҳам яхши ҳис қиляпман. Жангга тайёргарлик аъло даражада бўлди, ҳеч қандай ўзгаришлар йўқ. Насиб қилса, меҳнат қилиб бунданда яхши натижалар кўрсатишга ҳаракат қиламиз», - деди Мелиқўзиев.

Бек шунингдек, Габриэл Росадо илан реванш ҳақидаги саволга ҳам жавоб берди.

«Бу бокс. Росадони ғалаба билан табриклайман. Лекин бу мағлубият ҳеч нарсани ўзгартиргани йўқ. Ўз ҳаракатларимиз билан олдинга интиляпмиз. Бундан олдин 81 кг вазн тоифасида кучли рақиб билан 8 раунд жанг ўтказдим. 8 раунд давомида ўзимни яхши ҳис қилдим. Чемпион бўлганимдан кейин Габриэл Росадони реваншга чақиришга тайёрман».