UZ

Сўнгги янгиликлар

11:17Сауль Альварес дунёдаги энг кучли 3 боксчи ҳақида гапирди 0 10:50"Барселона" нидерландиялик футболчини ўз сафига қўшиб олмоқчи. Бу Депай эмас 0 10:26Жейк Пол: "Мейвезер мени ўлдириш учун каллакесарларини ёнимга жўнатди дейишяпти" 0 10:02«Римдан салом». Свитолина бўлажак турмуш ўртоғи билан тушган янги суратини жойлаштирди 0 09:41Сондерс Канелога қарши жангда аутсайдер эканлиги ҳақида гапирди 0 09:20АПЛ Суперлигада иштирок этмоқчи бўлган 6 та клубни жазолайди 0 08:52Сауль Альварес ва Сондерс жанг олдидан вазн ўлчаш маросимида иштирок этди + ФОТО 0 08:26Велошоссе: Ўзбекистон чемпионатининг илк ғолиблари аниқланди 0 08:01Тайсон Фьюри: "Агар Сондерс Канелони уриб қўядиган бўлса, ундан ғалабани тортиб олманглар" 0 07:40Бугун Неймар бўйича расмий маълумот эълон қилиниши мумкин 0 23:28Расман: Заррух Адашевнинг UFC'даги жанги бекор қилинди 1 22:29UFC Vegas 26. Заррух Адашев вазн ўлчаш маросимида неча кг тош босди? 0 22:00Кутилмаган хабар: Заррух Адашев иштирокидаги жанг бекор қилиниши мумкин 0 20:10Стерлинг: "Реваншда Янни бурдалаб ташлашга ва уни реалликка қайтаришимга ишоняпман" 1 19:48Заррух Адашев жанг қиладиган UFC турнирининг марказий тўқнашуви учун промо ролик (ВИДЕО) 0

04 май 17:29
Янгиликлар

Бокс/ММА

"Бектемир Мелиқўзиевнинг дисквалификациясига сабаб - допинг эмас". Терма жамоамиз мураббийи Тўлқин Қиличев вазият бўйича фикр билдирди

Бироз аввал Ўзбекистон миллий антидопинг агентлиги боксчимиз Бектемир Мелиқўзиев 4 йилга дисквалификация қилингани ҳақида хабар тарқатди.

Биз бу борада изоҳ олиш мақсадида Ўзбекистон терма жамоаси катта мураббийи Тўлқин Қиличевга мурожаат қилдик. 

"Бектемирнинг ушбу четлатилиши допинг сабаб эмас. Четлатиш учун турли сабаблар бўлиши мумкин. У ерда баъзи мажбуриятлар бор ва буларнинг бажарилмаслиги дисквалификацияга олиб келади. Ҳозирда дисквалификация сабаб кўпчиликнинг ҳаёлига "у допинг истеъмол қилган экан" деган фикр келмоқда. Аммо аслида ундай эмас. 

Бектемир бу вазиятда WADA мажбуриятини бажармаган. Яъни, допинг офицерлар уни текшириш учун борган вақтда Бектемир АҚШда истиқомат қиладиган манзил эшиги қулф бўлган ва улар қайтиб кетишган. Иккинчи маротаба эса у машғулотларда бўлган. Учинчи вазиятда Бектемир аэропортда бўлган. Чунки у ўшанда Иорданиядаги Осиё/Океания лицензион турнирида қатнашиш учун йўл олаётганди.

Биз энди-энди WADAнинг ADAMS тизимини тушуниб бормоқдамиз. Бу борада ишлаб чиқилган қоидалар кўп. Бу бўйича Миллий олимпия қўмитаси, бокс федерацияси томонидан спортчиларимизга бу борада тегишли тушунтиришлар олиб борилмоқда. 

Мана шу учта ҳолат дисквалификацияни келтириб чиқарди. Аммо бу унинг қонида допинг бор ёки мана шундай тақиқланган моддаларни истеъмол қилди дегани эмас. Бизнинг йигитларимиз ўзимизнинг палов ва қазиларимизни истеъмол қилиб ҳам рақибларини мағлуб этаверишади. Шу таомларимизнинг ўзи ҳам боксчиларимизга яхшигина куч бўлади. Шу сабабли ҳам ўзбек боксчилари допингга муҳтож бўлиб қолмаган ва бундан кейин ҳам муҳтож бўлмайди. Чунки, допинг ноқонуний эканлигини ва фойдасидан кўра зиёни катталигини жуда яхши биламиз. 

Бунинг профессионал боксга таъсири борми?

AIBAнинг антидопинг қоидалари ва профессионал боксники алоҳида тизим ҳисобланади. Проф боксда уларни ҳар бир жанг олдидан текширишади. У профессионал боксда тоза чиқмоқда ва фаолиятини давом эттираверади. Чунки, айтиб ўтилганидек, профессионал боксдан фарқли равишда ҳаваскор боксда мажбуриятлар кўп. 

Ҳозирда ушбу йўналишда Ўзбекистон бокс федерацияси томонидан семинарлар ҳам ташкил этиб берилмоқда. Бу борада тушунтириш ишлари олиб борилмоқда. Боксчиларимизнинг ҳар бирига инглиз тилидан хабардор бўлган ходим бириктириб қўйилган. Бу федерациямиз раҳбарияти, шу жумладан шахсан Сакен Жетибаевич томонидан назорат қилиб борилмоқда. Миллий олимпия қўмитаси қошида ҳам бу борада ишчи гуруҳ тузилган. Назорат шу даражадаки, уларнинг қаерда бўлиши соат-соатигача назоратда", - деди Тўлқин Қиличев ушбу ҳолатга изоҳ берар экан.  

Рейтинг: +4   

Фикрлар

+1   
05 май 06:50:22
Uzback
Конидан бир марта олинганда Фуромацид деган модда чикибдию 3 марта борганида тополмаса 4 йил бермедию
   
05 май 06:50:54
Uzback
Uzback фойдаланувчининг фикрига жавоб бериш
Конидан бир марта олинганда Фуромацид деган модда чикибдию 3 марта борганида тополмаса 4 йил бермедию
Фуромацид допинг хисобланади
   
04 май 20:01:29
Mironsho Jabborov
Yaxshi bolsa yaxshi bolib ketar
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг