07 янв 20:59
Янгиликлар

Бокс/ММА

Бектемир Мелиқўзиевнинг навбатдаги жанги бўйича тафсилотлар маълум

Бектемир Мелиқўзиев шу ойда рингга қайтиши мумкин.

Иккинчи ўрта вазн (- 76,2 кг)да ўзбекистонлик професионал боксчи Бектемир Мелиқўзиев (10-1)нинг навбатдаги жанги бўйича тафсилотлар маълум бўлди.

Унга кўра, Мелиқўзиев 28 январь куни Калифорния (АҚШ)даги "YouTube Theatre Arena"да ташкил этилаётган бокс оқшомида рингга кўтарилади. Ҳозирча ҳамюртимизнинг рақиби маълум эмас.

Бектемир Мелиқўзиев рингга кўтариладиган оқшомнинг марказий жанги америкаликлар — Алексис Роча (21-1) ҳамда Энтони Янг (24-2) ўртасида бўлиб ўтади.

Маълумот учун, Бектемир Мелиқўзиев сўнгги жангини 6 август куни Босния ва Герцеговина вакили Сладан Янянинь (34-14)га қарши ўтказиб, учинчи раундда муддатидан аввал техник нокаут билан ғалаба қозонган эди.