Белал Муҳаммад Махачев ва Нурмагомедовнинг машғулотига ёрдамчи куч сифатида қўшилди

Россиялик аралаш яккакураш усталари жамоаси бошлиғи Хабиб Нурмагомедов бу ҳақда хабар бериб, ижтимоий тармоққа машғулотдан видео ҳам жойлади.

"Ҳаммаси режа асосида давом этмоқда", - дея видео остида изоҳ ҳам қолдирган Хабиб. 

"Оғир меҳнатдан бошқа нарса йўқ", - дея унга қўшимча қилган Белал Муҳаммад. 

Эслатиб ўтамиз, Белал Муҳаммад ўтган йилнинг июль ойида Хабиб Нурмагомедовнинг ёрдамисиз ҳам британиялик Леон Эдвардсдан чемпионлик камарини тортиб олганди. У декабрь ойида Шавкат Раҳмоновдан камарини ҳимоя қилиши керак эди. Лекин инфекция сабаб бу жанг бекор қилинганди. 

Енгил вазнда амалдаги UFC чемпиони Ислам Махачев 19 январь тонгида Лос-Анжелесда ўтадиган UFC 311 турнирининг марказий жангида даъвогар Арман Царукянга қарши октагонга чиқади. Умар Нурмагомедов эса ко-мэйнивент жангида ўта енгил вазн чемпиони грузиялик Мераб Двалишвилининг камарини тортиб олиш учун уриниб кўради.