13 авг 13:08
Янгиликлар
Бокс/ММА
"Bellator" ёпиладими? Ташкилот президенти бунга жавоб берди
"Bellator" президенти Скотт Кокер бир неча кун олдин тарқалган хабарларга изоҳ берди.
Унга кўра, "Bellator 300" турнири ташкилот учун сўнггиси бўлади ва шундан кейин ташкилот ёпилади.
"Йўқ, мени эшитинг. Биз жанглар ташкиллаштиришда давом этамиз. Ҳа, кўплаб миш-мишлар бор. Кўрамиз, нима бўларкин. Аммо режамиз - жангларни давом эттириш. Айни дамда "Bellator 301" турнири борасида ишлаяпмиз. Шунингдек, "Bellator 302" турнири ҳам режада бор. Келаси йилни интиқлик билан кутяпмиз. Чунки бу "Bellator" учун муҳим йил бўлиши кутилмоқда", - деди Кокер.
Олдинроқ тарқалган маълумотларга кўра, йил якунига қадар ташкилотнинг эгаси ўзгаради ва ташкилот PFL билан бирлашади. Лекин бу маълумот тасдиқланганича йўқ.
Эслатиб ўтамиз, "Bellator 300" турнири 7 октябрь куни Сан-Диегода ташкиллаштирилади.
Ҳавола :
Манба : fighttime.ru
Фикрлар