09 фев 09:26
Янгиликлар

Олимпия ўйинлари, Қишки спорт турлари

Бешинчи куннинг илк олтин медали Норвегияда!

Пекин-2022 Қишки олимпия ўйинларининг бешинчи кунидан ўрин олган баҳсларда илк медаллар жамланмаси ўз эгаларига тақдим этилди.

Норвегиялик фристайлчи Бирк Рууд биг-эйр йўналишида энг яхши натижа билан Олимпиада чемпионига айланди. Унинг олтин медали Норвегия терма жамоасини медаллар жамғариш бўйича умумжамоа ҳисобида яна пешқадамга айлантирди.

Америкалик Колби Стивенсон кумуш, швециялик Хенрик Харлаут бронза медалига сазовор бўлди. Кеча аёллар ўртасидаги ушбу йўналиш мусобақасида хитойлик Эйлин Гу Олимпиада чемпиони бўлган эди.

Фристайл. Биг-эйр. Эркаклар

1. Бирк Рууд (Норвегия) — 187,75.

2. Колби Стивенсон (АҚШ) — 183,00.

3. Хенрик Харлаут (Швеция) — 181,00.