Бешта медаль билан 80 давлат орасида 5-ўринни эгалладик + ЖАДВАЛ

Нуфузли мусобақада сайёрамизнинг 5 қитъаси 80 давлатидан жами 441 (241 эркак, 200 аёл) нафар дзюдочи иштирок этди. Юртимиз шарафини терма жамоамизнинг 18 дзюдочимиз ҳимоя қилди. Улардан 5 нафари ўз вазн тоифаларида шохсупага кўтарилишди. Саксон давлатдан 22 таси камида битта бронза медалини қўлга киритди. Ўн беш мамлакат ҳисобида камида биттадан кумуш, 11 давлатда эса олтин медаль бўлди. 

Сўнгги учинчи кунги баҳсларда Давлат Бобонов (-90 кг) ва Музаффарбек Тўрабоев (-100 кг) бронза медалини қўлга киритди. Бу билан Ўзбекистон терма жамоаси 1 та олтин, 1 та кумуш, 3 та бронза медали билан умумжамоа ҳисобида 5-ўринни эгаллади. 

Олтин медаль

-66 кг: Сардор Нуриллаев

Кумуш медаль

-60 кг: Кемран Нуриллаев

Бронза медаль

-90 кг: Давлат Бобонов

-100 кг: Музаффарбек Тўрабоев

-70 кг: Гулноза Матниязова

Умумжамоа ҳисобида биринчи ўринни Грузия терма жамоаси 2 та олтин, 3 та кумуш, 4 та бронза медали билан банд этди. Канада 2 та олтин, 1 та кумуш, 1 та бронза медали билан иккинчи ўринни эгаллаган бўлса, кучли учликка мўғулистонлик дзюдочилар 2 та олтин ва 2 та бронза медали билан якун ясашди. Биздан аввалги ўринни Италия терма жамоаси 1 та олтин ва 2 та кумуш медаль билан эгаллади.