09 авг 17:17
Янгиликлар

Бокс/ММА

Бетербиев - Гвоздик бирлаштирувчи чемпионлик жангининг манзили эълон қилинди

Аввал хабар берганимиздек, профессионал бокснинг ярим оғир вазн тоифасида бирлаштирувчи чемпионлик жанги ўтказилади.

Унда IBF чемпиони, россиялик Артур Бетербиев WBC йўналиши чемпиони, украиналик Александр Гвоздикка қарши рингга кўтарилади. Ушбу жангнинг 18 октябрь куни ўтказилиши эълон қилинганди. Бугун жанг ташкилотчилари манзилни ҳам ошкор қилишди.

Унга кўра, бирлаштирувчи чемпионлик жанги АҚШнинг Филадельфия шаҳрида бўлиб ўтади. Бу маълумотни боксчиларнинг промоутери Боб Арум тасдиқлади. Гвоздик ўзининг сўнгги чемпионлик ҳимоя жангини айнан Филадельфияда ўтказган эди.