27 дек 10:16
Янгиликлар
Бокс/ММА
Бетербиев - Ярд жанги нечанчи раундда тугаши айтилди
Россиялик профессионал боксчи Дмитрий Юн яримоғир вазн тоифасида Артур Бетербиев ва Энтони Ярд ўртасидаги чемпионлик жанги ҳақида ўз фикрлари билан ўртоқлашди.
Маълумот учун, 28 январь куни Лондонда IBF, WBО ва WBC чемпионлик камарлари учун Артур Бетербиев ва Энтони Ярд ўртасида 12 раундлик жанг бўлиб ўтади.
"Ўйлайманки, Ярд Артур билан узоқ масофада жанг қилади, чунки Бетербиев жуда қаттиқ ва кучли зарбага эга эканини ҳаммамиз биламиз. Энтони яхши ҳимояга эга. Лекин Артур ҳам оддий жангчи эмас. У барибир кучли зарбалари билан рақибига муаммо туғдиради. Менимча, Бетербиев жангнинг ўрталарида, узоғи саккизинчи раундда Ярдни нокаутга учратади", - деди Дмитрий Юн.
Эслатиб ўтамиз, аввалоқ Артур Бетербиев боксчи учун муваффақият калити нима эканлигини айтган эди.
Ҳавола :
Манба : fightnews_info
Фикрлар