Billie Jean King Cup. Терма жамоамизда қаторасига учинчи мағлубият, бу сафар митти орол мамлакат теннисчиларга ютқаздик

Бугун мусобақанинг II Осиё/Океания гуруҳида иштирок этаётган Ўзбекистон терма жамоаси Тинч океания федерацияси таркибига кирувчи Янги Каледония митти орол мамлакати теннисчиларига имкониятни бой бериб қўйишди. 

Дастлабки баҳсда юртимизнинг учинчи ракеткаси Дарья Шубина рейтинги йўқ Витолет Аписахга 6/7(5), 0/6 ҳисобида ютқазди. Иккинчи ўйинда Сабрина Олимжонова рейтинги ўзидан юқорироқ бўлган Кароланн Делаунайни 6/2, 6/2 ҳисобида енгиб, мувозанатни тиклади - 1:1. 

Ҳал қилувчи жуфтлик учрашувида эса Дарья Шубина ва Нигина Абдураимова тандеми Патрисия ва Виолет Аписах ҳамкорлигига 1/6, 7/6(9), тай-брекда 9:11 ҳисобида мағлуб бўлишди. Бу Ўзбекистон терма жамоасининг кетма-кет қабул қилиб олган учинчи мағлубияти бўлди. 

Бунгача Филиппин ва Индонезия теннисчиларига ҳам ютқазиб қўйгандик. Эртага амалда ҳеч нарсани ҳал қилмайдиган Эрон терма жамоасига қарши ўйин бизни кутиб т турибди.