11 апр 11:24
Янгиликлар

Теннис

Billie Jean King кубоги. Хитойга қарши баҳсни мағлубият билан бошладик

Хабар берганимиздек, бугун Тошкентда нуфузли Billie Jean King кубогининг Осиё ва Океания биринчи гуруҳидан ўрин олган ўйинлар старт олди.

Бироз аввал Ўзбекистон ва Хитой аёллар терма жамоалари ўртасидаги илк яккалик учрашуви якунланди. Бор йўғи 50 дақиқа давом этган баҳсда терма жамоага сўнгги паллада таклиф этилган Сабрина Олимжонова Чин юрти вакиласи Жианг Ксинюга 3/6, 1/6 ҳисобида имкониятни бой бериб қўйди.

Бироздан сўнг терма жамоалар ўртасидаги иккинчи яккалик учрашуви бошланади. Унда WTA рейтингида 991-поғонада бораётган ҳамюртимиз Севиль Юлдашева рейтинги йўқ Женг Ву Шуангга қарши кортга чиқади. Жуфтликлар учрашувида эса Мафтунабону Қаҳрамонова ва Оминахон Валиханова ҳамкорлиги хитойликлар Жианг Ксиню ҳамда Янг Жао Хуан тандемига қарши баҳс олиб боради.