Бир неча яккакурашчимиз жанг ўтказган Karate Combat Лигаси молиявий инқирозга учради

Ижтимоий тармоқларда тўловлар йўқлигидан оммавий равишда шикоят қилаётган жангчилар ва ходимлар ортиб бормоқда. Лига жангчилар ва ишчилар олдида қарздор бўлиб қолган.

Тўловлар кечиктирилганини оммага маълум қилганлар орасида аргентиналик Эмилиано Сорди ва собиқ UFC жангчиси Луис Пенья (кейинчалик у ўз постини ўчириб ташлаган ва миш-мишларга кўра, Karate Combat’дан ўзига тегишли гонорарни олган) ҳам бор.

Бундан ташқари, Лиганинг техник ходимлари бир неча бор маошлари кечикаётгани ҳақида хабар беришган. Karate Combat Лигаси 2018 йилда ташкил этилган. Унинг бош қароргоҳи Дубайда жойлашган бўлиб, эгаси Кайман оролларида жойлашган жамғарма ҳисобланди.

Эътиборлиси, Karate Combat Лигасида аралаш яккакураш усталаримиздан Анвар Бойназаров, Хотамбек Бойназаров, Шоҳрух Холмуродов ва Саидёқуб Қаҳрамонов ўз жангларини ўтказишган.