Бироз аввал Хабаровскда бокс бўйича нуфузли халқаро турнир старт олди

Бугунги илк кунги жангларда 4 нафар боксчимиз рингга кўтарилади. Улар орасида Париж-2024 Олимпиадаси лицензианти, жаҳон чемпиони Руслан Абдуллаев ҳам бор. Италиядаги лицензион турнирнинг -63,5 кг вазн тоифасидаги баҳсларида Олимпиада йўлланмасини қўлга киритган Абдуллаев Хавбароскдаги мусобақада 67 кг вазнда рингга чиқади. Унинг илк рақиби россиялик Данис Габдафиков бўлади.   

Шунингдек, бугун Хабаровск рингларида Шаҳзод Музаффаров, Дилшод Абдумуродов ва Жасурбек Йўлдошев ҳам ўзларининг илк жангларини ўтказишади.  

Боксчиларимизнинг илк рақилари:

-54 кг: Шаҳзод Музаффаров - Алберт Гатайлин (Россия)

-60 кг: Дилшод Абдумуродов - Азрак Бабиров (Озарбайжон)

-67 кг: Руслан Абдуллаев - Данис Габдрафиков (Россия)

-86 кг: Жасурбек Йўлдошев - Марат Магомедов (Россия)