03 окт 09:24
Янгиликлар

Теннис

Бироздан сўнг Истомин Алмати турнирида кортга чиқади

Шу кунларда Қозоғистоннинг Алмати шаҳрида теннис бўйича “Челленжер” туркумига кирувчи турнир давом этмоқда.

Соврин жамғармаси 50 000 АҚШ долларини ташкил қилувчи ушбу турнирда ҳамюртимиз Денис Истомин биринчи рақам остида ҳаракат қиляпти. Бир неча дақиқалардан сўнг Осиё ўйинлари ғолиби турнирнинг иккинчи давра учрашувини ўтказади.

Истомин мисрлик Муҳаммад Сафватга қарши кортга чиқади. Бу теннисчи кеча илк босқичда истеъдодли ҳамюртимиз Ҳумоюн Султоновни драматик кечган учрашув якунида 6:2, 4:6, 7:6, тайбрекда 7:4 ҳисобида мағлуб этганди. Истомин эса португалиялик Фредерику Сильвадан 6:3, 7:5 ҳисобида устун келган эди.

Таққослаш учун, Денис Истомин дунё рейтингида 103, Муҳаммад Сафват эса 196-ўринни эгаллаб турибди. Теннисчилар шу кунгача ўзаро турнирларда тўқнаш келишмаган. Ғолиб теннисчи мусобақанинг чорак финалига йўл олади.