06 окт 09:03
Янгиликлар

Теннис

Бироздан сўнг Шарипова Гонконг турнири саралашида кортга чиқади

Бугун Гонконгда теннис бўйича WTA International туркумидаги турнирнинг саралаш баҳслари старт олди.

Ушбу саралаш баҳсларида мамлакатимизнинг биринчи ракеткаси Сабина Шарипова ҳам иштирок этади. Ҳамюртимиз саралашнинг илк даврасида россиялик Марина Мельниковага қарши кортга чиқади. Бу учрашув Тошкент вақти билан соат 10:00да бошланади.

Таққослаш учун, Сабина Шарипова WTA рейтингида 135, Марина Мельникова эса 308-ўринни эгаллаб турибди. Теннисчилар шу кунгача ўзаро турнирларда тўқнаш келишмаган. Иккала теннисчи ҳам охирги тўртта учрашувида мағлубият аламини тотиб кўрган.