17 мар 17:49
Янгиликлар

Теннис

BNP Paribas Open. Карлос Алькараз Гаэль Монфисни мағлуб этиб, чорак финалга чиқди

Индиан-Уэллсдаги мавсумнинг илк "Мастерс" турнири ўзининг қизғин палласига кирди.

Жаҳоннинг 19-ракеткаси испаниялик Карлос Алькарас турнирнинг тўртинчи даврасида АТР рейтингида 28-поғонадан жой олган франциялик Гаэль Монфилсни 7/5, 6/1 ҳисобида мағлуб этди.

1 соату 17 дақиқа давом этган учрашувда 18 ёшли Алькарас тўртта эйсни амалга оширди, тўпни ўйинга киритишда бир марта хатога йўл қўйди ва тўртта брейк-пойнтни амалга оширди. 35 ёшли Монфилс эса учта эйс амалга ошириб, тўрт бор қўш хатога йўл қўйди. Бу спортчиларнинг биринчи расмий учрашуви эди.

Алькараз BNP Paribas Open турирининг чорак финалида британиялик Кэмерон Норри билан тўқнаш келади.