Алькараз Индиан-Уэллс "Мастерс" турнири илк финалчиси

Мусобақанинг илк ярим финал учрашувида дунёнинг иккинчи ва учинчи рақамли теннисчилари - испаниялик Карлос Алькараз ҳамда италиялик иқтидор эгаси Янник Синнер ўзаро тўқнаш келди. Ёмғир сабаб учрашувнинг учинчи геймидан сўнг баҳс маълум муддатга тўхтатилди. 

Ёмғир тингач учрашув давом эттирилди ва якунда Алькараз рейтингдаги қўшнисини уч сет натижасига кўра мағлубиятга учратди - 1/6, 6/3, 6/2. Икки соату уч дақиқа давом этган баҳсда иккала теннисчи ҳам иккитадан қўшхатога йўл қўйган.