14 июн 18:32
Янгиликлар

Бокс/ММА

Боб Арум Пакьяонинг соғлиғидан ҳавотирланмоқда

Саккиз вазн тоифасида жаҳон чемпиони Мэнни Пакьяонинг собиқ промоутери Боб Арум филиппинликнинг соғлиғидан безовта бўла бошлади.

Арумни Пакьяонинг 40 ёшида ҳам катта боксдан кетиш ҳақида ўйламаётгани ташвишга солмоқда. Аввал хабар берганимиздек, Мэнни 20 июль куни ярим ўрта вазнда жаҳон чемпиони Кит Турманга қарши рингга кўтарилади. Арум ўз интервьюсида 41 ёшли собиқ жаҳон чемпиони Заб Жуда билан боғлиқ ҳолатни эслади.

"Мен Пакьяони яхши кўраман, ҳурмат қиламан. Шу сабабли ҳам унинг саломатлигидан ҳавотирланяпман. Бундай ёшда чемпионлик жангида рингга чиқиш катта таваккал. Беш кун аввал 41 ёшли Заб Жуда миясига қон қуйилиши натижасида касалхонага тушиб қолди. Мен бу ҳолат Пакьяода такрорланишидан ҳавотирдаман", - деди Арум.

Маълумот учун, Боб Арум 2005 йилдан 2017 йилга қадар Мэнни Пакьяонинг промоутери бўлган.