Бобоев Осиё очиқ кубоги кумуш, Тожиев бронза медали совриндори

-81 кг вазн тоифасидаги тажрибали дзюдочимиз Ғиёсжон Бобоев олтин медаль учун кечган баҳсда россиялик Магомед Эдилбиевга қарши татамига чиқди ва афсуски рақибига ютқазиб, кумуш медални қўлга киритди. Ушбу вазндаги яна бир дзюдочимиз Арслонбек Тожиев эса бронза медали учун бўлиб ўтган беллашувда қозоғистонлик Аян Байгазидан устун келди. 

Бироздан сўнг +100 кг вазндаги дзюдочимиз Исломбек Равшанқулов ҳам бронза медали учун курашади. Унинг рақиби қозоғистонлик Галимжан Крикбай бўлади. -70 кг вазн тоифаси ярим финалида мағлубиятга учраган Фарангиз Холмуродова бронза медали учун мезбон дзюдочи Жанар Кашкин билан беллашади. 

-78 кг вазндаги Нодира Йўлдошева эса бронза учун россиялик Татьяна Лялинага қарши татамига чиқади. +78 кг вазндаги юртдошимиз Рината Илматованинг бронза медали учун бахсдаги рақибаси россиялик София Пирогова бўлади.