Богдан Гусков: "Пётр Ян - Мераб Двалишвили... ўн мартадан ўн марта мағлуб этади"

Аралаш яккакураш устамизнинг фикрича, амалдаги чемпион Пётр Ян собиқ чемпион Мераб Двалишвилини ўн мартадан ўн марта мағлуб этади.

"Мен бу ерда тарафкашлик қилсам керак", - деди Гусков Red Corner MMA томонидан эълон қилинган видеодаги тегишли саволга жавоб берар экан. - Мен ўнта жангнинг ҳаммасини Петяга бераман. Мен унинг мухлисиман, менга унинг жанглари, жанг олиб бориши, тажовузкор услуби ёқади. У айнан октагонда жуда яхши шоу кўрсатади".

Ҳозирга қадар Пётр Ян ва Мераб Двалишвили иккита жанг ўтказиб, биттадан ғалабага эришган. Бироқ, Ян мағлуб бўлган биринчи жангда у ўнг қўлидан деярли фойдалана олмайдиган жиддий жароҳат билан октагонга чиққанди.

Айни пайтда Ян ва Двалишвили ўртасидаги учинчи жангни ўтказиш масаласи кўриб чиқилмоқда. Иккала жангчи ҳам унга тайёр эканликларини билдиришган.